فيديو أعجبني.^^

td]d

السلام عليكم و رحمة الله و بركاته*~..

اخبار الجميع؟؟؟ ^^"...ان شا الله تمام *~.. 

المهم.. فيه فيديو عجبني بالمرة *~..

انا شايفته من زمان لكن حبيت اوريكم اياه*~..

اخليكم مع الفيديو~*: 

http://www.youtube.com/watch?v=ae8NWslq8sM&feature=player_embedded

اشكر لكم طيب متابعتكم*~..

[..[خربوشة الامورة*~

ناس غريبه. ★ ☆؟

السلام عليكم و رحمة الله و بركاته..

بسم الله الرحمن الرحيم.

اخباركم..ان شاء الله تمام.

 فيه مره من المرات قريب بتوقيع وحدة الله يجزاها خير ما يلي:

[دنيا اذا جيتها بالخبث مبهور..

واذا جيتها بالنوايا البيض ماخبثني..]

بصراحة شدتني هالعبارة بشكل مو طبيعي..

لان كل كلمة فيها صحيحة مية بالمية..

مادام الناس عارفة نفسها.. ليه  نعيش على الكذب و التمثيل والخداع.

والمشكلة ان كل الناس عارفين انكم كذابين و ممثلين؟

واحياناً تجيني افكار واقول :

كان فصلي بثالث ثانوي.. قمة المحبة و الإخاء والود

ليه ما يكونون البشر مثل فصلي بثالث ثانوي..

صحيح انه كان فيه تضارب كبيييييير بالافكار و المنطق بيننا ..

طبعاً ما انسى التفاوت بالقدرات العقلية والبديهية

لكن هذه الاشياء ما منعتنا ابد اننا نكون اسرة واحدة

تخيوا فصل مكون من 30 طالبة تقريباً و كلنا شلة وحدة

كل ما اتذكر هذيك الايام اشتاق للبنات بشكل مو طبيعي..><

هنا ساستعرض لكم كم ان هذة الشخصيات التي بينها تفاوت عظيم لكن محبتها لبعضها البعض كانت اعظم :

1-الهادية.. اللي ما عمرها تمشكلت مع احد..

2- المثقفة اللي فلسفتها تهببببببل..طبعاً هي صديقة وفيه للجزيرة الاوثائقية هههه

3- ام قلب كبير..دايماً تسولف مع اللي جنبها.

4- الضحوكة.. ولازم اذا سولفت معاها تبكي..طبعاً من الضحك الهستيري خخخ

5- الأنيقة و العصرية..

6- اللي ما نشوفها باليوم الا دقيقة..لاهية بمغامراتها برا الفصل..وداجة.. ودايماً دفاترها ناقصة والاستاذات يعلقون عليها..وهي احلى طالبة نظام مرت علي..^^..اذا كانت طالبة النظام فالتها فما بالك ببنات فصلها خخخخ خخخخ

7-المؤدبة.

8- الشاطرة مع بديهة حاضرة دائماً.

9- الممتازة،الخلوقة الكل يحبها.^^

10-صاحبة الالعاب كل يوم تعلّمنا لعبة جديد ممتعة وتونس.وخصوصاً لما نلعب لعبة الكنز على مستوى المدرسة.^^.

11- صاحبة الكلام العسل ..ما يطلع منها الا عمري و حياتي ..^^

12-المفهيه..هالبنت انا اموووت فيها خخخخ ..تضحكك بشكل مو طبيعي.

13-مشجعة الهلال بدون اي منازع..خخخ

14- البنوتة..كل اغراضها وردية و حلوة..^^

15- اللي جالسة ورا..تحاول تستوعب لكن مافيه امل..انا هالبنت ارحمها بالمررره و احبها..

16- الهادية اللي طوول السنة ما تسمع منها كلمة.. تحب اللغة الانجليزية..

17- المصرية الحلوة الطيبة..عندها البكاء بعد كل اختبار وااجب خخخخ..شكلي ما نجحت بالرياضيات الا عشان شرحها لي خخخ

18- الرسامة.الفنانة.صاحبة الرأي السديد.الشاطرة..اللي ما شاء الله عليها..

19- my best friend اجمل شي صار لي بحياتي..البنت العفوية.. اللي تميل لمادة الرياضيات..

اللي سوالفها تجنن.بس اذا عصبت..اهرب احسلك..^^خخخخخ

20- البنت الطيبة اللي تحب المغامرات ..تحب اللعب .. وتحب السوالف..ودائما ما تطفئ مولد المدرسة الكهربائي..وما ننسى انها متعقدة من مادة الرياضيات (اللي هي أنـــا خخخخ)

21- الموهوبة..محبت الانشطة.. المفعمة بالحيويه..

22-اللي هادية بالمررررة بس اذا تكلمت راح تنسدح من الضحك..+متابعة لجميع افلام ديزني.

23-اللي بس نايمة بالحصص..عالمها غير عالمنا..بس سرحانة واذا قومتها الاستاذة احلم تجاوب خخخخ..حتى الاستاذات غسلوو يدهم منها.

24-اللي ما تحب ان الاستاذات يقولون لها اكتبي او اي شي ..اللي دايماً تجيب جيم بووي بالاختبارات حبيبة قلبي ولله..من الابتدائي وهي معي بنفس المدرسة..طيبة بالمرة..

25-جالبت الاخبار والشائعات خخخخ

26- وانت مندمج بالحصة ما تدري الا وهي فاقعة من الضحك خخخ..طبعاً جالسة ورا خخ

طبعاً هذي شريحة صغيرة من الفصل المثالي بالنسبة لي..

اللي اتمنى من كل قلبي..ان البنات يدومون بصحة و عافيه..في الدنيا و الاخرة.

احب اقول بالنهاية ان الشر اللي بالانسان لا ينسب الي الله سبحانه و تعالي..

اتذكر هالمعلومة من ثالث ثانوي..

نصيحة:

وان الانسان مهما حاول وحاول .. لن ينفني هذا الشر لكن يستطيع ان يطمره ويدفنه في مقبرته الخاصة..

ويبدأ من جديد..مع بشر لا يهمهم في الحياة الا طاعة الله سبحانه و تعالي ثم المحبة لوجة الله..

اشكر لكم طيب متابعتكم ..^^

[..[خربوشة الامورة..

عاصفة..في المنطقة الشرقية.

السلام عليكم و رحمة الله و
بركاته..



اليوم السبت 24 جمادى الاول لعام 1431هـ – م 2010\ 5 \ 8 في
الساعة 2 والنصف ظهرا.. اصبحت السماء برتقاليه..



طبعاً انا كنت طاقتها نومه في الباص .. واحنا راجعين من الجامعة



ما احس الا صديقتي تنغزني وتقولي .طالعي الجو.. @@"



الصراحة ..كان شعور غريب..خوف على فرح و وناسة على اشياء غريبه..



بس طبعاً الكاميرا ما كانت معي بالباص ..يا خسارة.. ><"



كانت ريااااح شديدة بالمرة مع غبار و طشات مطر..



لكن لما دخلنا المدينه الساعة 3 العصر صار المطر غزيررررررررررر



المهم اول ما وصلت للبيت..صورت اللي قدرت عليه..

نبدأ بالسحاب السودة اللي استقرت فوقنا..














وهنا لما بدأت بالانقشاع





طلعت اشعة الشمس من
بين السحابة السوداء.

وبما انه كان امطار مع غبار .. نتج لنا سيراميك مبدع.

 



ولاني قاعده اصور بالحوش..فـ فحطت على اشياء ثانيه..^^"

مثل مشابك الملابس..^^





و المزرعة الصغنونة..^^"





 
وجدار البيت خخخخخ..







وهذي انبوبة قديمة بالحوش..^^ توني انتبهت ان شكلها تحفة..@@"


وفي الختام.. احمد الله و اشكره

واقول "اللهم اجعلة صيباً نافعاً"
و
"اللهم حولينا لا علينا.اللهم على الاكام و الظراب ومنابت الاشجار و بطون الاودية"

اللهم امين  
[..[خربوشة الامورة

حديقة الحيوان المحنطة بحائل..

السلام عليكم و رحمة الله و بركاته..

بسم الله الرحمن الرحيم..

اليوم جبت لكم صور لحديقة الحيوانات المحنطة بحايل

أقيمت ضمن مهرجان صيف حائل 31( هلا بالضيف والصيف )

انا لما شفت حديقة الحيوان اتفاجئت.. لان حايل ما فيها حديقة حيوان..

 

لكن اخر شي طلعت محنطة -_-"..وتحطمت كل امالي ..><"

خخخخخخ

يللا نبدأ بالصور..


طبعاً اول ما تدخل تلقى الذيب بوجهك خخخخخ

وهذا منظر جانبي و خلفي له..

وهذ الثعلوب وهو وهادي و معصب خخخخ.

هذا وهو معصب ..><"
احس انه يبي يعض خشمي خخخخ

وهذي الشيتا..كنت احسبها اكبر

هذا القرد..

الطاؤوس..

هذا سيد نيص كان على بالي قنفذ.. بس تسريحته مو طبيعيه..^^"

وهذا اخونا الضب..<< يمة يخّووف ><"..

هذا اكيد جمل خخخ

واظن ان هذا جدي..^^""

وهي نعامة مع ولدها

 ..شوفوه توه طالع من البيضة عاليسار..XD

والان نبدأ مع الغزلان..

اللهم زد وبارك..اغلب الحديقة غزلان.. "-_-

 

 

 

اشكر لكم متابعتكم..^^"

[..[خربوشة الامورة..